select language   Rěč/Sprache/Language
select language
Rěč/Sprache
file.title

Nowe čisło Naša Domowina wušło

Sčasom do XIII. mjezynarodneho folklorneho festiwala “Łužica” je nětko informaciske łopjeno Naša Domowina wušło. Hižo na titulnej stronje poda so přehlad programa a sobuskutkowacych lětušeho festiwala, kiž wotměje so wot 4. do 7. julija a na kotryž su hosćo zbliska a daloka wutrobnje witani.

Dalše temy su na přikład kubłanska klawsura w Delnjej Łužicy, Serbski wječor w Stróži, spominanje na padłych pólskich wojakow w Chrósćicach, zetkanju předsydy Domowiny ze županami a předsydami twarstwow a přinošk, kak chce Domowina lońše naprašowanje dale wuhódnoćić a konkluzije z wuslědkow sćahnyć. To bě tež jedna z temow zašłeje hłowneje zhromadźizny, wo kotrejž so rezimej poda. Slěduja dalše rozprawy ze župow a towarstwow, tak wo Sokołskim woleybulowym turněrje wo pokal Domowiny a wo hłownej zhromadźiznje župy Jakub Lorenc-Zalěski.

Abonenća Noweho Casnika a Serbskich Nowin dóstanu Našu Domowinu tutón tydźeń ze swojej nowinu. Rozšerjene digitalne wudaće je tež tule na web-stronje Domowiny w mediatece přistupne.

Borbora Felberowa
Bärbel Felber

nowinska rěčnica,
wosobinska referentka předsydy

Pressesprecherin,
persönliche Referentin des Vorsitzenden

Domowina z. t./Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202

presse(at)domowina.de

https://www.facebook.com/nowinska.recnica

www.domowina.de


Facebook Button