select language   Rěč/Sprache/Language
select language
Rěč/Sprache
file.title

40. łapanje kokota w Turjeju w nowšem casu

Kóńc tyźenja, 10.08.2019, buźo wjeliki wjerašk w našej jsy, wóswěśijomy naš kokot.

Tenraz pak budu někotare wósebnosći, mamy wjeliki jubilej. K 40. razoju (do togo njejsu někotare lěta žeden žnjowny swěźeń organizěrowali) se pśigotujo wjeliki swěźeń, źož stare a młode zgromadnje mógu sobugótowaś, teke na łapanju kokota.

Wót lěta 1979 su kužde 10. lěto organizěrowali wjeliki žnjowny swěźeń, a rowno tak pśigótujomy za kóńc tyźenja taku swětocnosć.

Kaki jo staw pśigotowanja:

* až doněnta jo se 23 rejtarjow za łapanje kokota se pśizjawilo a 41 źowca budu w serbskich drastwach pódla

*wjelika girlanda a wěnce budu se wót młodostnych wiś

*na 10.08. deje se wšykne wobźělniki za wjeliki pśěśeg pśez cełu wjas zeger 12.00 na lichem městnje na zachopjeńku Turjeja (gaz pśiźoš wót Picnja) na pšawem boce zmakaś.

12.30 góź. buźo se zgromadny foto cyniś a zeger 13.00 co se wjeliki pśeśěg pódaś na drugi kóńc Turjeja a potom zasej slědk na sportnišćo

Naša Domowinska kupka w Turjeju se južo tyźenje dłujko na ten swěźeń pśigotujo. Buźomy se pokazaś z wjelikim jabrikowym ze senom nalodowanym wózom. Dwa Haflingarja budu se zapśěgnuś a wóz śěgnuś. Pśez naše dobre zwiski do Dešna jo nam serbski rybar, bratš Pannwitz dał to seno, za to comy se jomu pó tej droze wutšobnje wuźěkowaś.

Dalej mamy hyšći drugi małki wóz, źož jo jadna „Fege „.(to jo jadna stara mašina, źoz móžoš trajdu cyscis) nastajona.

Neźi 15 našych cłonkow budu potom slěz wóza ze wšakimi burskimi rědami burske tradicije w zachadnosći prezentěrowaś, teke pupkowy abo źiśecy stary wózyk a samo „Psezpołdnica“ budu pódla (w tym zwisku wutšobny zěk na Utu Henšelowu a na jeje mamu Christel Lehmann-Endersowu za spěšnu pomoc!) Se wě, az naš wobraz jo dwojorěcnje wugótowane.

Wjeliki echo jo wubuźił wot swěźeńskego komiteja wupisane wuběźowanje:

„Chto wupyšnijo swój dwór abo swój pśijězd na dwór na njejrědnjej“.

Njeby se žednje myslił, az naše wobydlarje w takej bogatej licbe sobugótuju.

Wót někak 40 dwórow su se luźe angazěrowali a su žnjowne motiwe natwarili, su pupki ze serbskimi drastwami nastajili, portu za łapanje kokota, a samo pijanego rejtarja su nastajili, wšykno z wjelikeju lubosću pśigotowane.

Harald Koncak

pśedsedar Domowinskeje kupki

Borbora Felberowa
Bärbel Felber

nowinska rěčnica,
wosobinska referentka předsydy

Pressesprecherin,
persönliche Referentin des Vorsitzenden

Domowina z. t./Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202

presse(at)domowina.de

https://www.facebook.com/nowinska.recnica

www.domowina.de


Facebook Button