select language   Rěč/Sprache/Language
select language
Rěč/Sprache
file.title

Lětuši nošerjo Myta Domowiny a čestneho znamješka wuznamjenjeni – Statnik: „Dźakowni, zo sće naše šansy jako Serbja přisporjeli”

 

Dźensa (pjatk) wječor na žurli Serbskeho domu w Budyšinje je Domowina swoje lětuše wuznamjenjenja spožčiła: Myto Domowiny a Myto Domowiny za dorost, woboje „za čestnohamtske skutkowanje ze wšoserbskim wuznamom“, „za wurjadne wukony w zmysle zdźerženja a spěchowanja Serbstwa“. Po rozsudźe mytowanskeho wuběrka třěšneho zwjazka dóstachu Myto Domowiny:

Elke Nagelowa z Łaza, Jurij Šołta z Noweje Wjeski a Fryco Kšamaŕ z Drjenowa. Lětuši nošer Myta Domowiny za dorost je: Damian Dyrlich z Noweje Wjeski.

Z čestnym znamješkom Domowiny „za wosebite wukony při zwoprawdźenju programa Domowiny“ su lětsa tutych čłonow narodneje organizacije mytowali: Friedharda Krawca ze Swóńcy, Heidemarie Rychtarjowu ze Slepoho, Bjarnata Delenka z Njebjelčic, Christu Dziumblowu z Bórkow, Torstena Maka z Chóśebuza, Jura Hanšku z Brjazyny, Silviu Stephanowu z Čorneho Chołmca, Marju Ošikowu z Pančic-Kukowa, Jürgena Njeka z Chrósćic, Marku Cyžowu z Lejna.

Předsyda Domowiny, Dawid Statnik, so wšěm mytowanym dźakowše, „so sće naše šansy jako Serbja z wjele prócu a dobrymi idejemi přisporjeli. To je pohon do přichoda.“

Tu namakaće wšě lawdacije: www.domowina.de/pressebereich/blog/a7152ae79bea570b31870922ef01b7a5/

Fota wšěch wuznamjenjenych:

1drv.ms/u/s!Ass3W2qeXZTDoo8RYYP-F5m_FcgdgA

 

 

 

Marcel Brauman/Braumann

nowinski rěčnik,
wosobinski referent předsydy

casnikarski powědaŕ,
wósobinski referent pśedsedarja

Pressesprecher,
persönlicher Referent des Vorsitzenden

Domowina z. t./
Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202
mobil: 0171 89 83 985

marcel.brauman(at)domowina.de
presse(at)domowina.de

Facebook

Twitter

www.domowina.de


Facebook Button