select language   Rěč/Sprache/Language
select language
Rěč/Sprache
file.title

Domowina kritizuje EU-komisiju: Princip runoprawneho wuwića za narodne mjeńšiny tuchwilu wočiwidnje njepłaći

 

Europska komisija njeje zwólniwa, nowe zakonje wo škiće narodnych mjeńšin na zakładźe žadanjow iniciatiwy Minority SafePack (MSPI) namjetować. K tomu so předsyda Domowiny, Dawid Statnik, wupraja:

„Jako Serbja smy přeswědčeni Europjenjo, kotřiž wosebje tak mjenowanu politiku kohezije witaja, kiž runoprawne wuwiće regionow a teritorialnych socialnych cyłkow spěchuje. Tohodla smy zludani, zo to po měnjenju Europskeje komisije za narodne mjeńšiny wočiwidnje njepłaći.

Dźakuju so wšitkim, kotřiž su iniciatiwu dotal podpěrali a ju dale podpěraja. Tež hdyž njeje so dotal radźiło, komisiju přeswědčić, zo je to wažna naležnosć, chcemy za to dale wojować. Přizamknu so reakciji Hartmuta Koschyka, něhdyšeho społnomócnjeneho Němskeje za wusydlencow a narodne mjeńšiny. Tež Domowina wočakuje nětko wotmołwu zwjazkoweho knježerstwa na tón afront přećiwo europskej wobydlerskej iniciatiwje, wšako je zwjazkowy sejm MSPI jednohłósnje podpěrał.”

Marcel Brauman/Braumann

nowinski rěčnik,
wosobinski referent předsydy

casnikarski powědaŕ,
wósobinski referent pśedsedarja

Pressesprecher,
persönlicher Referent des Vorsitzenden

Domowina z. t./
Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202
mobil: 0171 89 83 985

marcel.brauman(at)domowina.de
presse(at)domowina.de

Facebook

Twitter

www.domowina.de


Facebook Button