select language   Rěč/Sprache/Language
select language
Rěč/Sprache
file.title

Zhromadne dźěło Słowjanow w FUEN so najebać koronu zaso krok po kroku normalizuje / dźak Bjarnatej Cyžej

Srjedu zetkachu so zastupjerjo słowjanskich mjeńšinow online na wuradźowanje. Dźěłowa skupina „AGSM” (Arbeitsgemeinschaft slawischer Minderheiten) wuradźowaše wo přihotach na FUEN-kongres a zetkanje dźěłoweje skupiny słowjanskich mjeńšinow w oktobrje. Matic Germovšek, korutanski Słowjenc a koordinator dźěłoweje skupiny, rozprawješe tež wo postupach noweje internetoweje strony a brošurce wo słowjanskich mjeńšinach w Europje, kotraž leži nětko w ruce FUEN.

Při tym dźakowaše so Serbam, Domowinje a wosebje těz Bjarnatej Cyžej, kiž je lěta dołho jako rěčnik dźěłoweje skupiny jeje dźěławosć bytostnje přewodźał a zmóžnjał. Clemens Škoda, referent Domowiny za kulturu a wukraj, je so na wuradźowanju wobdźělił a so wjeseli, „zo je so normalne zhromadne dźěło Słowjanow w FUEN pod wuměnjenjemi pandemije zaso zahajiło.”

Foto: online-wuradźowanje AGSM srjedu. Foto: FUEN.

Marcel Brauman/Braumann

nowinski rěčnik,
wosobinski referent předsydy

casnikarski powědaŕ,
wósobinski referent pśedsedarja

Pressesprecher,
persönlicher Referent des Vorsitzenden

Domowina z. t./
Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202
mobil: 0171 89 83 985

marcel.brauman(at)domowina.de
presse(at)domowina.de

Facebook

Twitter

www.domowina.de


Facebook Button