Dźensa witaše předsyda Domowiny Dawid Statnik wosebiteho hosća. Nošer Čestneho znamješka Domowiny 2013, dr. Piotr Pałys z Opole, kotryž njemóžeše minjeny pjatk na mytowanskim zarjadowanju w Budyšinje přitomny być, wopytaše Serbski dom zhromadnje ze swojim šefom dr. Bernardom Linekom, zastupowacym direktorom "Institut Śląski w Opolu" a dr. Edmundom Pjechom. Při tym přepodaše předsyda wopismo a Čestne znamješko a podźakowa so za swěrne dźěło na dobro Serbow. Do wopyta pola Domowiny podpisachu w Serbskim instituće zrěčenje mjez institutomaj za mjezsobnu kooperaciju.