Serbski dźiwadźelnik Marian Bulank je nowy zastupowacy čłon rady Załožby za serbski lud. Wón slěduje na Mariana Wjeńku, kiž bě dočasnje swoju funkciju złožił.
Serbskich čłonow załožboweje rady ze Sakskeje je Zwjazkowe předsydstwo Domowiny dnja 20.11.2010 woliło. M. Bulank bě po ličbje hłosow přichodny kandidat za tutu funkciju. Wón je předsydźe Domowiny Dawidej Statnikej dnja 12. oktobra swoju zwólniwosć za sobudźěło w załožbowej radźe připrajił.