select language   Rěč/Sprache/Language
select language
Rěč/Sprache
file.title

Škoda: Słowjenjo maja w FUEN sylny hłós – na iniciatiwu Serbow

 

Dźěłowe zjednoćenstwo słowjanskich mjeńšin w FUEN so štwórtk, 19.11.2020, popołdnju na swojim lětušim seminarje digitalnje schadźuje:

agsm.fuen.org/article/AGSM-online-Seminar-2020-Onlayn-seminar-AGSM-2020.

Nětk je nowa němskorěčna brošura wo AGSM (“Arbeitsgemeinschaft slawischer Minderheiten”) wušła: agsm.fuen.org/assets/upload/editor/docs/doc_0pRsrQob_AGSM%20Brosch%C3%BCre%202019.pdf

Tam su wězo tež Serbja a Domowina zastupjeni. Bjarnat Cyž, kiž běše dołholětny rěčnik AGSM, rozłožuje nazornje, kak je k załoženju AGSM na iniciatiwu Serbow dóšło a jich třěsny zwjazk lětne seminary přihotował a přewjedł. K tomu so Clemens Škoda, referent Domowiny za kulturu a wukraj, wupraja:

„Zo maja Słowjenjo dźensa w koncerće europskich narodnych mjeńšin pod třěchu FUEN sylny hłós, je zasłužba Bjarnata Cyža. Tak je tuta brošurka tež wupłód jeho žiwjenskeho skutka na europskej runinje. Domowina čuje so dale za organizowanu wuměnu Słowjanow zamołwita, wšako je mostytwarjenje sylna strona Serbow.

Runje w dobje přiběracych politiskich konfliktow mjez zapadnej a wuchodnej Europu mamy my jako Słowjenjo w takrjec zapadnym kraju wosebitu zamołwitosć za měrliwu wuměnu a mjezsobne wobohaćenje. Z tym chcemy tež přichodnje pokročować – potom nadźijomnje zaso w direktnym kontakće, zo móžemy zaso wječor hromadźe spěwać.”

Marcel Brauman/Braumann

nowinski rěčnik,
wosobinski referent předsydy

casnikarski powědaŕ,
wósobinski referent pśedsedarja

Pressesprecher,
persönlicher Referent des Vorsitzenden

Domowina z. t./
Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202
mobil: 0171 89 83 985

marcel.brauman(at)domowina.de
presse(at)domowina.de

Facebook

Twitter

www.domowina.de


Facebook Button