Lubi młodostni ze serbskich klubow, towarstwow a iniciatiwow dwurěčneje Łužicy!

Witam was na stronje za serbske młodźinske dźěło! W zašłymaj lětomaj sće so stajnje zaso (na přikład na młodźinskich forumach) pozitiwnje k zhromadnemu dźěłu, wothłosowanju terminow a k hłubšim kooperaciskim dźěle wuprajili. Z toho wurostła je w zašłym lěće młodźinska přirada – je to markantny krok wutworjenja mjezsobneje syće, ke kotrejž přisłušeja cyłki, kluby a towarstwa kotrež su w serbskim młodźinskim dźěle aktiwni. Što, wy njejsće hišće pódla? Přizjewće so jednorje pola nas!

Jako wosebitostka so k tomu lětsa zaso wupisa wubědźowanje “Přimaj so gratu! Młodźina.akcija.zabawa”. Próstwu namakaće pod nowosćemi. Jury twori, kaž hižo zašłe lěto, młodźinska přirada. Zapodajće waše próstwy hač do 30.4.2018!

Při prašenjach maće stajnje móžnosć so na Domowinsku kubłansku referentku za młodźinu Rejzku Krügerowu wobroćić: rejzka.kruegerowa(at)domowina.de a pod čisłom 0152 – 36241635 (WhatsApp).