Sprachwahl   Rěč/Sprache/Language
Sprachwahl
Rěč/Sprache
file.title

Přeprošenje na nowinarsku rozmołwu a fotowy termin 31. meje w Chrósćicach

Wot 22. do 25. junija wotměje so we Łužicy XII. mjezynarodny folklorny festiwal. Přeprošamy zastupjerjow medijow  po tutym puću wutrobnje na nowinarsku rozmołwu dnja 31. meje w 10 hodź. w gmejnskim zarjedźe Chrósćicy, Při pastyrni 4.

Předsyda přihotowanskeho wuběrka Marko Kowar, wjesnjanosta gmejny Chrósćicy Marko Kliman kaž tež dalši čłonojo přihotowanskeho wuběrka budu Was wo stawje přihotow folklorneho festiwala a jeho wjerškach informować. Nimo toho maće składnosć, rejowarjow Serbskeho folklorneho ansambla Wudwor a Serbskeje rejowanskeje skupiny Smjerdźaca fotografować. Tež akreditowanja su tam móžne.

Mjezynarodny folklorny festiwal wotměje so z lěta 1995 kóždej dwě lěće. Wón so zhromadnje organizuje wot Serbskeje rejowanskeje skupiny Smjerdźaca, Serbskeho folklorneho ansambla Wudwor, gmejny Chrósćicy, Załožby za serbski lud a Domowiny – Zwjazka Łužiskich Serbow.

www.folklorefestival-lausitz.de

Pressesprecherin/
Nowinska rěčnica/
Nowinska powědarka/
PRESS OFFICER

Borbora Felberowa
Bärbel Felber

Mobil: +49 (0) 173 586 96 88
Telefon: +49 (0) 3591 550202
Telefax: +49 (0) 3591 42408
E-Mail: felber-pr-domowina(at)sorben.com


Facebook Button