Šulerjam a studentam praktikumowa brošurka rozdźělena

Tele dny rozdźěla so šulerjam Serbskich wyšich šulow – kaž tule w Budyšinje skupinje šulerjow 8. lětnika z wučerku knjeni Bjeńšowej- brošurka „Praktikum, wukubłanje, dźěło w dwurěčnej Łužicy 2015/2016“ kotraž je so na zakładźe naprašowanja w serbskich institucijach, zawodach a w rjemjesle nadźěłała.

Kubłanska referentka Domowiny, Rejzka Wałdźic dźakuje so wšitkim zawodam a institucijam za bohate wobdźělenje a sposrědkowanje informacijow. Serbscy młodostni kotřiž so za brošurku zajimuja a nimaja hišće eksemplar, njech so pola kubłanskeje referentki přizjewja. t.walde@sorben.com  

9. lětnikej Serbskeho gymnazija Budyšin je so brošurka hižo před prózdninami rozdźěliła.

(foto: Rejzka Wałdźic)