62. wubědźowanje wo najrjeńše serbske jutrowne jejko za dźěći a młodźinu 2015

Kotre techniki so preměruja

- wšitke 4 znate serbske techniki z tradicionalnymi mustrami

Kelko jejkow dyrbja so wotedać

- 2 jejce za jednu kolekciju (jenož čisće wudute jejka so hódnoća)

- kóždy móže so z wjacorymi technikami na wubědźowanju wobdźělić

Kotre daty su trěbne

- mjeno a dokładna adresa zapósłarja

- staroba zapósłarja, dokelž mytuje so po starobnych skupinach

Hdy a hdźe móža so kolekcije zapodać

- posledni termin za wotedaće je srjeda po jutrach - 08.04.2015

- w Serbskej kulturnej informaciji w Budyšinje, Póstowe naměsto 2

- w Serbskej kulturnej informaciji ”Lodka” w Choćebuzu, Awgust-Bebelowa 8

- w běrowach Domowiny z.t. w Slepom, Měrowa 65,

we Wojerecach, Drježdźanska 18, w Chrósćicach, Při pastyrni 4

Kotre myta móža so dobyć

Pjenježne myta po starobje mjez 5,00 € do 25,00 € abo tróštne myta

Młodźinske spěchowanske myto we wysokosći 75,00 €

Što stanje so z preměrowanymi jutrownymi jejkami

Wšitcy dóstanu swoje kolekcije wróćo.

Jenož Młodźinske spěchowanske myto so njewróći, ale wustaja so z

dobyćerskimi kolekcijemi dorosćenych.

Nadźijamy so, zo so wjele dźěći a młodostnych na wubědźowanju

wobdźěla.