select language   Rěč/Sprache/Language
select language
Rěč/Sprache
file.title

Nowe čisło “Naša Domowina”

Dźensa, dnja 4.12.2015, wuńdźe nowe čisło informaciskeho łopjena “Naša Domowina”. Wone informuje mjez druhim wo rozsudach Lubina a Kalawy, kotrejž stej so njedawno wuznałoj k serbskemu sydlenskemu rumej, wo wobzamknjenjach zašłeho posedźenja zwjazkowho předsydstwa a předstaji lawreatow lětušeho Myta Domowiny a Čestneho znamješka Domowiny.

Župy a towarstwa podadźa dohlad do swojeho mnohostronskeho skutkowanja. Tak bu Serbski folklorny ansambl Slepo do CIOFF přiwzaty, župa Jakub Lorenc-Zalěski poby w Bratislavje, Župa “Michał Hórnik” Kamjenc je sej nowe župne předsydstwo wuzwoliła a Župa “Jan Arnošt Smoler” Budyšin wulećeše sej do Drježdźan a je na swójbne popołdnjo do Doma tysac hatow w Stróži přeprosyła. Młodostni “Pawka” wobdźělichu so na nazymskim seminarje europskeje młodźiskeje organizacije MENS w hraničnej kónčinje mjez Němskej a Danskej a w tak mjenowanym “world café” diskutowachu młodostni Budyskeho Serbskeho gymnazija wo temje azyl. We Wojerecach prócuja so wo hajenje serbšćiny we wšěch generacijach.

Serbska lajska dźiwadłowa skupina Chrósćicy poby na wulěće w Hannoversko-Wendlanskej kónčinje. Tutón přinošk kaž tež wjetši dźěl rozprawy wo lětušim seminarje słowjanskich narodnych mjeńšinow FUEN nakamaja čitarjo jenož w rozšěrjenym digitalnym wudaću “Našeje Domowiny”, <media 2541 _blank>kotrež namakaće tule jako PDF na internetnej stronje Domowiny. </media>

Lubowarjam wuměłstwa doporuča so wopyt  Serbsko-němskeho muzeja w Janšojcach, hdźež pokazaja hač do kónca februara 2016 wobrazy serbskeho molerja Wylema Šybarja.

Naša Domowina rozšěri so dźensa ze Serbskimi Nowinami a přichodny tydźeń jako přiłoha Noweho Casnika.

Pressesprecherin/
Nowinska rěčnica/
Nowinska powědarka/
PRESS OFFICER

Borbora Felberowa
Bärbel Felber

Mobil: +49 (0) 173 586 96 88
Telefon: +49 (0) 3591 550202
Telefax: +49 (0) 3591 42408
E-Mail: felber-pr-domowina(at)sorben.com


Facebook Button