select language   Rěč/Sprache/Language
select language
Rěč/Sprache
file.title

Projekt “Přichod Łužica” je startował

Z konstituowacym posedźenju wodźenskeho wuběrka „Přichod Łužica“ dnja 1. nowembra w Ranju/Groß Räschen startowaše oficialnje tutón na tři lěta, hač do 2020, planowany projekt. Statny sekretar Hendrik Fischer z ministerstwa za hospodarstwo a energiju Braniborskeje přepoda tam spěchowanske wopismo Braniborskeje inwesticiskeje banki přez 7 milionow eurow partnerskemu wokrjesej Zhorjelc, kiž zastupowaše decernentka Heike Zettwitz.

Z tym zahaji so tutón kraje přesahowacy wulkoprojekt, kiž ma strukturnu změnu we Łužicy do pozitiwneho směra wjesć. Projekt „Přichod Łužica“ ma ramikowe wuměnjenja a zakłady za to tworić, zo bychu so trajne polěpšenja hospodarskich strukturow nastorčili a so Łužica jako hospodarska a turistiska kónčina skrućiła a dale wuwiwała. Na to dojednachu so wokrjesy Dubje-Błóta, Łobjo-Halštrow, Zhorjelc, Hornje Błóta-Łužica a Sprjewja-Nysa kaž tež město Choćebuz. Nimo braniborskeho a sakskeho ministerstwa je Domowina jako zastupjerka Serbow z poradźowacym čłonom wodźenskeho wuběrka.

 Cyłu nowinsku informaciju namakaće pod: www.kreis-goerlitz.de/city_info/webaccessibility/index.cfm

Pressesprecherin/
Nowinska rěčnica/
Nowinska powědarka/
PRESS OFFICER

Borbora Felberowa
Bärbel Felber

Mobil: +49 (0) 173 586 96 88
Telefon: +49 (0) 3591 550202
Telefax: +49 (0) 3591 42408
E-Mail: borbora.felberowa@domowina.de


Facebook Button