Wuznamne wopomnišća

pomnik Jana Arnošta Smolerja (1816 – 1884) steji při křižowanišću Lubijska/Walska dróha, pochowany je Jan Arnošt Smoler na Budyskim Hrodźišku  

na Mikławšku, katolskim kěrchowje w Budyšinje, su mj. dr. pohrjebani:

Michał Hórnik (1833 – 1894), duchowny, wodźaca wosobina swojeho časa
Michał Nawka (1885 – 1968), wučer, spisowaćel, rěčny wědomostnik, dołholětny dirigent chóra "Meja"

Jurij Łušćanski (1839 – 1905) serbski biskop, nabožinski a kulturny prócowar

na Tuchorskim kěrchowje je pohrjebany:

Arnošt Muka (1854 – 1932), gymnazialny profesor, ludowědnik, rěčny wědomostnik, wuznamny organizator serbskeho narodneho hibanja

Radwor

Stara cyrkwička bu natwarjena 1496. Jeje wołtar wopřija nabožne twórby ze srjedźowěka. Při Starej cyrkwičce wuhotuje chór “Meja” kóžde lěto w lěću wosebity koncert.

Na kěrchowje su pochowane sćěhowace wosobiny:

Jakub Lorenz-Zalěski (1874 – 1939), serbski spisowaćel, publicist
Dr. Marja Grólmusec (1896 – 1944), wučerka, wopor NS-časa
Alojs Andricki (1914 – 1943), duchowny, narodny prócowar, wopor NS-časa
Józef Nowak (1895 – 1978), duchowny w Radworju, basnik, redaktor

Hory pola Budestec

Korla Awgust Kocor (1822 – 1904), pomnik je při jeho ródnym domje, K. A. Kocor bě wučer, wuznamny komponist a wuhotowar spěwnych swjedźenjow

Słona Boršć

Handrij Zejler (1804 – 1872), wopomnjenska tafla při ródnym domje a pomnik na nawsy. Bě wuznamny serbski basnik a ewangelski duchowny.