Namołwa za Wubědźowanje wo najrjeńše jutrowne jejko - za dźěći a młodźinu

Wubědźowanje je zjawne, dźěći a młodostni, wučomnicy a studenća kiž tutón rjanu serbsku tradiciju rady pěstuja, smědźa so wobdźělić.

Kotre techniki so preměruja
:
- wóskowanska technika / jedno- a wjacebarbna
- wóskowa-bosěrowanska technika / jedno- a wjacebarbny wósk
- škrabanska technika
- wužrawanska technika
Jenož h. mj. techniki přińdu do wuhódnoćenja a dyrbja so z tradicionelnymi srědkami zhotowić (pjerja, jehlički, nóž za škrabanje).

Kelko jejkow dyrbja so zapósłać:

- 2 jejce za jednu kolekciju (jenož čisće wudute jejka so hódnoća)
- kóždy připósłar móže so z wjacorymi technikami na wubědźowanju wobdźělić

Kotre daty su trěbne:

- mjeno a dokładna adresa zapósłarja
- staroba zapósłarja, dokelž mytuje so po starobnych klasach

Hdy a hdźe smědźa so wubědźowanske kolekcije zapodać:
- kónc zapodaća (póstowy kołk) je stajnje srjeda po jutrach, 19.04.2017
abo wotedać
- w Serbskej kulturnej informaciji w Budyšinje, Póstowe naměsto 2
- w Serbskej kulturnej informaciji "Lodka" w Choćebuzu, Awgust-Bebelowa 82
- w běrowach Domowiny z.t.
w Slepom, Měrowa 65,
we Wojerecach, Drježdźanska 18,
w Chrósćicach, Při pastyrskim žórle 4

Na čo by so dyrbjało při zhotowjenju serbskich jutrownych jejkow dźiwać:
- zo so tuta bohata tradicija w dekorje a barbje z idejemi wariěruje, n. př.
* přez geometriske formy - třiróžki, štyriróžki, kruhi ale tež smužki
* přez naturalistiske a stilistiske motiwy - kćenja, ranki, łopjena (bołmina, sněhowki)
* přez symbole a napisy

Kotre myta móža so dobyć
Kóždy wobdźělnik so pisomnje informuje a dobyćerjo dóstanu wopismo - podpisane wot wuhotowarja wubědźowanja - Spěchowanskeho kruha za serbsku ludowu kulturu z. t. (Załožba za serbski lud podpěra projekt financijelnje).
Pjenježne myta wariěruja po starobje mjez 7,00 Euro do 25,00 Euro.
Nimo toho je młodźinske spěchowanske myto we wysokosći 75,00 Euro předwidźane. Dobyćerjo so přez wěcywustojnu jury wuzwola, prawizniski puć je wuzamknjeny.

Što stanje so z preměrowanymi jutrownymi jejkami:
Wšitcy, kotřiž so na wubědźowanju wobdźěla, so pisomnje wo wuslědkach informuja a dóstanu swoje kolekcije wróćo. Młodźinske spěchowanske myto so njewróći, ale wustaja so z dobyćerskimi kolekcijemi dorosćenych.

Link: www.oberlausitztv.de