Wušiwanje a narodna drasta

Wosebite městno w ludowym wuměłstwje zaběrje we wšitkich dźělach serbskeje Łužicy narodna drasta we swojej wšelakorosći. Při tym rozeznawa so jednora dźěłanska drasta wot swjedźenskeje drasty z najwšelakorišimi wušiwankami, pyšnymi debjenkami abo we wužiwanju drohotnych płatow.
W někotrych kónčinach, kaž na přikład w katolskich Serbach, je nošenje narodneje drasty k wosebitym wjerškam cyrkwinskeho žiwjenja hišće jara žiwa tradicija. Tu dźeržitej naprašowanje a poskitk hišće někak runowahu, tak zo so na polu wušiwanja a šwalčowanja ze stron towarstwow ničo poskićowało njeje.
W druhich dźělach Łužicy, hdźež je so serbska rěč a drasta ze wšědneho žiwjenja pozhubiła, nosy so narodna drasta jenož hišće k wěstym přiležnosćam, kaž pola rejowanskich skupinow abo pola drastowych towarstwow. Tu su so w běhu časa wušiwanske a ludowuměłske towarstwa wutworili, kotrež pěstuja a spěchuja zdźerženje serbskeje tradicije.

Aktualne terminy:

16.-17.05.2014 - Wušiwanje we Wojerecach (1.dźěl)
12.-13.09.2014 - Wušiwanje we Wojerecach (2. dźěl)
17.-18.10.2014 - Wušiwanje we Wojerecach (3. dźěl)


 :: Fota wot kružka wušiwanje a narodna drasta w Chrósćicach

 

Stickkurse 2010/2012