select language   Rěč/Sprache/Language
select language
Rěč/Sprache
file.title

Rozprawa dźěławosće sekcije literatury a wuměłstwa 2010/2011

Nic wšo, štož smy sebi zańdźene lěto předezwali, je so nam poradźiło. Přewjedli smy sćěhowace zarjadowanja:

1. „Plakat! Doba NDR w plakatowej zběrce Serbskeho muzeja“ tak rěkaše wustajeńca Serbskeho muzeja w Budyšinje, kotruž čłonki a čłonojo sekcije 28. junija 2010 wopytachu a přez kotruž je nas zamołwita wustajeńcy wěcywustojna Christina Boguszowa wjedła. Z temu smy so kritisce rozestajli jara spadowacy niwow dźensnišich plakatow zwěsćili, a što so wšitko za tajkim zapřijećom – njewoprawnjene – chowa. To bě nam – dr. Mariji Měrćinowej a mi – z přićinu so ze zjawnym listom na wšitke towarstwa, institucije, lubowarjam a spěchowarjam serbskeje kultury a wuměłstwa“.

List je w Rozhledźe wozjewjeny.

2. wopominanske zarjadowanje na fararja Jana Wałtarja (1860-1921) składnostnje jeho 150. posmjertnych narodnin w Njeswačidle zhromadnje z ewangelskej wosadu a tamnišim kulturnym towarstwom dnja 15. septembra 2010. Na tema „Za dušu a wutrobu“ sma předstajili fararja, basnika a kulturnika Wałtarja, kotrež je tam na 15 lět skutkował.

Nastupajo němsko-serbske zarjadowanje z přednoškom Manfreda Laduša a předstajenjom Wałterowych basnjwo (ně/srb) a jednu baseń je samo tamniša fararka Aechtner čitała.

Knjez Wirt je wo tym w Pomhaj Bóh rozprawjał.

3. W oktobru smy wopytali wustajeńcu „Braška ze Mišnja – Hugo Spieler a jeho pórclinowe figury“ w Budyskim Serbskim muzeju. Na wosebitym wjedźenju 13. februara 2011 su Maćicarjo dóstali mj. dr. tež „pozadkowy informacije“.

Wo wustajeńcy je so wjele rozprawjało, sej myslu, tak zo sej dalše słowa nětko zalutuju

Dalša tema běše zaběra z modernym wuměłstwom a to z dźěłami Maje Nagloweje. Čłonki a čłonojo sekcije běchu přeprošeni na wotewrjenje a na finisaž jeje wustajeńcy tu blisko w rumnosćach Rosementis. A w zwisku jeje wustajency planowachmy předstajenje tři animaciskich (krótko) filmow. K tomu su wosebite techniske wuměnjenja trěbne (35 mm) a wone so w Kamjentnym domje poskića. To běše naš wotpohlad, zo chcychmy z tym moderne wuměłstwo – a Maćicu Serbsku tež němskim zajimcam předstajić.

Naše předewzaće so njeje cyle poradźiło, filmy předstajichu so pola Rosementis, hdźež pak so tež

Maćicarjo wobdźělichu.

Wotewrjene je hišće naše 5. předewzaće – zaběra z wuměłskim dźěłom němskeho molerja William Krause (1875-1925), składnostnje jeho 135. posmjertnych narodnin a 85. posmjertninow. Snano so nam w lěću wulět do Slepeho – hdźež su někotre jeho wobrazow přistupne – poradźi.

Wo dalšich předewzaćach smy dźensa rěčeli a dalše namjety su witane.

Naspomnić pak chcu hišće aktiwity – kaž hižo prajene – do wukraja.

Matica Čěska je zarjadowała „Lužickosrbsko-slovansky pěvecký večer“ ze spěwami, kotrež je Tanja Donatec a Oksana Weingardt-Schön w Muzeju Antonina Dvořáka w Praze dnja 23. oktobra 2010 přednjesli a tam zeznach so předsydku dr. Magdalenu Pokornu.

Na nowy tydźeń, přichodnu sobotu přijědźe delegacija 45 čłonow MČ k nam na wopyt a nazymu přewjedźe so zhromadna konferenca naju Maćicow w Praze.

Dalše namjety su rady witane.

Jurij Łušćanski

Budyšin, 30.04.2011