select language   Rěč/Sprache/Language
select language
Rěč/Sprache
file.title

Rozprawa předsydy Maćicy Serbskeje na lěto 2011/2012

Maćica Serbska je ze 165 lětami najstarše serbske towarstwo. Staroba sama wšak njeje žadyn wuspěch a jón njegarantuje, tuž ma so bilancować dźěło předsydstwy, sekcijow, a dźěłowych skupinow. Podam tu rozprawu wo dźěle předsydstwa, do kotrehož słušeja Jan Malink (předsyda), Jěwa-Marja Čornakec, Jurij Łušćanski, Janka Pěčkec de Lévano, dr. Christiana Piniekowa, dr. Anja Pohončowa, dr. Anett Brězanec a Pětš Šurman. Wone je so po Hłownej zhromadźiznje zańdźeneho lěta 6 króć schadźowało.

Ćežišća dźěławosće předsydstwa

1. Dorostowe myta Maćicy

Po dlěšim přihotowanju so Maćčne myta w septembrje wupisachu. Dóstachmy 8 zapodaćow za Hórnikowe myto. Dźěłu Beatrice Weclichec wo hajenju nałožka w Nuknicy spožći so prěnje myto. 17. nowembra so myto a připóznawanske myta w Budyskim hjosćeńcu Wjelbik z dostojnym zarjadowanjom přepodachu. Sćěhowaše medialna kontrowersa wo tym, hač je prawje, wozjewić dźěle w dialektalnym zapisku w Rozhledźe. Wobaj aspaktaj staj woprawnjenaj: dokumentacija ludoweje rěče , ale tež kedźbliwe stražowanje nad tym, zo njerozpadnje serbska spisowna rěč do systema wjesnych dialektow. Někak połojcu našich wudawkow za myto dóstachmy wot załožby narunane.

Předsydstwo chce wšitke tři myta zaso wupisać a při tym na to dźiwać, zo namakamy w jadnotliwych institucijach podpěru.

2. Domowina

Njejsmy po wotstupje dr. Měrćina Wałdy w zwjazkowym předsydstwje zastupjeni. Maćica Serbska je čłon Domowiny, kotraž přihotuje so na 100. róčnicu swojeho załoženja. Zamołwitosć w přihotowanskim wuběrku 100 lět Domowina je přewzał dr. Edmund Pjech.

Wobdźělich so na dwěmaj wuradźowanjomaj, kotrejž bě zwołał předsyda Domowiny k prašenju přichoda Bjesady. Docpě so konsens wo zjawnym wužiwanju rumnosćow.

3. Strukturna diskusija

Po zaćisnjenju Voigtoweje studije a rezultatow dźěłowych skupinow załožby k strukturnym změnam wustupi załožba z namjetom, mnohe institucije zjednoćićić na Dom za serbsku rěč a přewjesć w Serbskim instituće drastiske redukcije. Maćica Serbska zdźěła stejišćo tež k tutym namjetam, kotrež posrědkowa w septembrje 2011 załožbowemu zarjadej a serbskej zjawnosći. Žro našeho namjeta je wutworjenje Agentury za serbsku rěč, kulturu a informaciju z Witaj-centruma, SKI/Lodki, a dźělow Domowinskeho a załožboweho zarjada. Kulturnopolitiski zaměr je wutworjenje posłužbneho zarjadnišća za serbske towarstwa a za jednotliwe projekty. Mjeztym je Domowina wutworiła skupinu, w kotrejž ma so wo namjeće Domu za serbsku rěč wuradźować. Maćica pak w tutym wuběrku zastupjena njeje.

Wobroćichmy so dale z pohórškom na sakske ministerstwo za wědomosć a wuměłstwo jako prawniski dohlad załožby (Rechtsaufsichtsbeschwerde), dokelž běchu so za słuchanje załožby hinaše dokumenty na při. nastupajo Serbski institut wudali, hač so w załožbowej radźe diskutowachu. We wotmołwje ministerstwa rěka, zo je załožba juristisce korektnje jednała a zo njejsu prawa Maćicy potrjechene. Zwěsći so pak tež, zo njeje změna přełohow po słuchanju zbožowna. Nimo toho ma so přewjesć tež na iniciatiwu Sakskeje do strukturnych rozsudow ewaluacija Serbskeho instituta přez radu wědomosće.

Zasadnej zmylkaj cyłeje strukturneje diskusije widźu w tym, zo zamołwići njepytaja dialog z potrjechenymi, ale so stajnje złoža na někajkich ekspertow wot wonka, kotrymž pak pobrachuja dokładne znajomosće a zo widźi so přestrukturowanje přewažnje pod financialnym aspektom, nic jako intelektualne wužadanje, pytać za wotmołwu na prašenje: Što słuži rěči a kulturje Serbow?

4. Serbska hudźba pod škit UNESCO?

Sekcija hudźba je po zańdźenej hłownej zhromadźiznje wudźěłała argumentaciju k škitej serbskeje hudźby přez UNESCO. Nětko dźe wo kwalifikaciju předłohi a wo wutworjenje dźěłoweje skupiny, kiž naležnosć w serbskej a němskej zjawnosći zastupuje.

5. Towarstwowe naležnosće

5.1. Termina Hłowneje zhromadźizny přepołoži so na spočatk měrca, Za zemrětych njedźerži so wosebity nekrolog, aleso zhromadnje na nich spomina.

5.2. Na kwalifikaciji internetoweje strony dźěła dr. A. Pohončowa.

5.3. Rjadowanje archiwa přez dr. Brězanec postupuje.

5.4. Kniha wo Jiřiju Mudrje je w zamołwitosći SPL z podpěru Maćicy wušła.

5.5. Předsydstwo zdoby dr. H. Mirtschina, kiž by w padźe, zo ma so Lawski nakupowanski centrum w Budyšinje twarić, město poradźował nastupajo zapřijeća architektury stareho Serbskeho doma

5.6. Grafikar Reimann a dr. Mirtschin chcetaj dźěłać na posteru k serbskim stawiznam. Předsydstwo doporučeše, zo by Witej-centrum přewzało nošerstwo projekta, štož je so mjeztrym tež stało.

Čłonam předsydstwa, předsydźe Maśicy, nawodam sekcijow a dźěłowych skupinow budź wutrobny dźak za jich zasadźenje na dobro našeho luda.

03.03.2012

Jan Malink

Rozprawa předsydy Maćicy Serbskeje na lěto 2011/2012

Maćica Serbska je ze 165 lětami najstarše serbske towarstwo. Staroba sama wšak njeje žadyn wuspěch a jón njegarantuje, tuž ma so bilancować dźěło předsydstwy, sekcijow, a dźěłowych skupinow. Podam tu rozprawu wo dźěle předsydstwa, do kotrehož słušeja Jan Malink (předsyda), Jěwa-Marja Čornakec, Jurij Łušćanski, Janka Pěčkec de Lévano, dr. Christiana Piniekowa, dr. Anja Pohončowa, dr. Anett Brězanec a Pětš Šurman. Wone je so po Hłownej zhromadźiznje zańdźeneho lěta 6 króć schadźowało.

Ćežišća dźěławosće předsydstwa

1. Dorostowe myta Maćicy

Po dlěšim přihotowanju so Maćčne myta w septembrje wupisachu. Dóstachmy 8 zapodaćow za Hórnikowe myto. Dźěłu Beatrice Weclichec wo hajenju nałožka w Nuknicy spožći so prěnje myto. 17. nowembra so myto a připóznawanske myta w Budyskim hjosćeńcu Wjelbik z dostojnym zarjadowanjom přepodachu. Sćěhowaše medialna kontrowersa wo tym, hač je prawje, wozjewić dźěle w dialektalnym zapisku w Rozhledźe. Wobaj aspaktaj staj woprawnjenaj: dokumentacija ludoweje rěče , ale tež kedźbliwe stražowanje nad tym, zo njerozpadnje serbska spisowna rěč do systema wjesnych dialektow. Někak połojcu našich wudawkow za myto dóstachmy wot załožby narunane.

Předsydstwo chce wšitke tři myta zaso wupisać a při tym na to dźiwać, zo namakamy w jadnotliwych institucijach podpěru.

2. Domowina

Njejsmy po wotstupje dr. Měrćina Wałdy w zwjazkowym předsydstwje zastupjeni. 
Maćica Serbska je čłon Domowiny, kotraž přihotuje so na 100. róčnicu swojeho załoženja. Zamołwitosć w přihotowanskim wuběrku 100 lět Domowina je přewzał dr. Edmund Pjech. 

Wobdźělich so na dwěmaj wuradźowanjomaj, kotrejž bě zwołał předsyda Domowiny k prašenju přichoda Bjesady. Docpě so konsens wo zjawnym wužiwanju rumnosćow.

3. Strukturna diskusija

Po zaćisnjenju Voigtoweje studije a rezultatow dźěłowych skupinow załožby k strukturnym změnam wustupi załožba z namjetom, mnohe institucije zjednoćićić na Dom za serbsku rěč a přewjesć w Serbskim instituće drastiske redukcije. Maćica Serbska zdźěła stejišćo tež k tutym namjetam, kotrež posrědkowa w septembrje 2011 załožbowemu zarjadej a serbskej zjawnosći. Žro našeho namjeta je wutworjenje Agentury za serbsku rěč, kulturu a informaciju z Witaj-centruma, SKI/Lodki, a dźělow Domowinskeho a załožboweho zarjada. Kulturnopolitiski zaměr je wutworjenje posłužbneho zarjadnišća za serbske towarstwa a za jednotliwe projekty. Mjeztym je Domowina wutworiła skupinu, w kotrejž ma so wo namjeće Domu za serbsku rěč wuradźować. Maćica pak w tutym wuběrku zastupjena njeje.

Wobroćichmy so dale z pohórškom na sakske ministerstwo za wědomosć a wuměłstwo jako prawniski dohlad załožby (Rechtsaufsichtsbeschwerde), dokelž běchu so za słuchanje załožby hinaše dokumenty na při. nastupajo Serbski institut wudali, hač so w załožbowej radźe diskutowachu. We wotmołwje ministerstwa rěka, zo je załožba juristisce korektnje jednała a zo njejsu prawa Maćicy potrjechene. Zwěsći so pak tež, zo njeje změna přełohow po słuchanju zbožowna. Nimo toho ma so přewjesć tež na iniciatiwu Sakskeje do strukturnych rozsudow ewaluacija Serbskeho instituta přez radu wědomosće.

Zasadnej zmylkaj cyłeje strukturneje diskusije widźu w tym, zo zamołwići njepytaja dialog z potrjechenymi, ale so stajnje złoža na někajkich ekspertow wot wonka, kotrymž pak pobrachuja dokładne znajomosće a zo widźi so přestrukturowanje přewažnje pod financialnym aspektom, nic jako intelektualne wužadanje, pytać za wotmołwu na prašenje: Što słuži rěči a kulturje Serbow?

4. Serbska hudźba pod škit UNESCO?

Sekcija hudźba je po zańdźenej hłownej zhromadźiznje wudźěłała argumentaciju k škitej serbskeje hudźby přez UNESCO. Nětko dźe wo kwalifikaciju předłohi a wo wutworjenje dźěłoweje skupiny, kiž naležnosć w serbskej a němskej zjawnosći zastupuje.

5. Towarstwowe naležnosće

5.1. Termina Hłowneje zhromadźizny přepołoži so na spočatk měrca, Za zemrětych njedźerži so wosebity nekrolog, aleso zhromadnje na nich spomina.

5.2. Na kwalifikaciji internetoweje strony dźěła dr. A. Pohončowa.

5.3. Rjadowanje archiwa přez dr. Brězanec postupuje.

5.4. Kniha wo Jiřiju Mudrje je w zamołwitosći SPL z podpěru Maćicy wušła.

5.5. Předsydstwo zdoby dr. H. Mirtschina, kiž by w padźe, zo ma so Lawski nakupowanski centrum w Budyšinje twarić, město poradźował nastupajo zapřijeća architektury stareho Serbskeho doma

5.6. Grafikar Reimann a dr. Mirtschin chcetaj dźěłać na posteru k serbskim stawiznam. Předsydstwo doporučeše, zo by Witej-centrum přewzało nošerstwo projekta, štož je so mjeztrym tež stało.

Čłonam předsydstwa, předsydźe Maśicy, nawodam sekcijow a dźěłowych skupinow budź wutrobny dźak za jich zasadźenje na dobro našeho luda.

03.03.2012

Jan Malink