select language   Rěč/Sprache/Language
select language
Rěč/Sprache
file.title

Přeprošenje na Zwjazkowe předsydstwo Domowiny

Zwjazkowe předsydstwo Domowiny zeńdźe so sobotu, dnja 25.02.2017 w Serbskim domje w Budyšinje, Póstowe naměsto 2, k swojemu poslednjemu posedźenju do 18. hłowneje a wólbneje zhromadźizny Domowiny. Zjawny dźěl wuradźowanja zahaji so w 9.30 hodź.

Na dnjowym porjedźe steja mjez druhim:

− naćisk pisomneje rozprawy wo dźěławosći Domowiny zašłeju lět za 18. hłownu a wólbnu zhromadźiznu

− naćisk dźěłowych směrnicow za dobu hač do 19. hłowneje zhromadźizny

− organizatoriske přihoty lětušeje hłowneje zhromadźizny

− powołanje Dawida Statnika do dohladowanskeje rady Krabatoweho młyna pwtzwr (gGmbH)

− powołanje Pětra Brězana do zwjazkoweje zhromadźizny a do brunicoweho wuběrka Regionalneho zwjazka planowanja Hornja Łužica-Delnja Šleska

Zajimcy su na zjawny dźěl posedźenja wutrobnje přeprošeni (dnjowy porjad w přiłoze).

18. hłowna a wólbna zhromadźizna Domowiny wotměje so dnja 25. měrca wot 9 hodź. we Wojerecach na žurli nalutowarnje, Hrodowa dróha 2. Něhdźe 200 delegatow budźe dźěło zašłeju lět bilancować, nowe zwjazkowe předsydstwo a dalše gremije wolić kaž tež nowe dźěłowe směrnicy wobzamknyć.

Link: Dnjowy porjad (PDF)

Pressesprecherin/
Nowinska rěčnica/
Nowinska powědarka/
PRESS OFFICER

Borbora Felberowa
Bärbel Felber

Mobil: +49 (0) 173 586 96 88
Telefon: +49 (0) 3591 550202
Telefax: +49 (0) 3591 42408
E-Mail: felber-pr-domowina(at)sorben.com


Facebook Button